Andrea蘇韻姿與阮偉倫這對好拍檔在HOYTV新一季《港式流行》中繼續走訪香港不同的境點，包括深夜美食車、秘境酒吧、懷舊唐樓、城市綠洲等，新一季的《港式流行2》5月12號起，逢星期一至五晚上8時30分於HOYTV77台播映。再度合作的兩人更有默契，更不約而同建議大家多些留港，會發現更多值得發掘的地方。

　第二季的節目不止只是美食，阿倫說：「今季就勁啦，上一季我哋係咁食啦，今季多咗好多玩得嘅舖頭。」Andrea亦點頭認同：「我哋做咗好多唔同嘅運動。」阿倫繼續說：「跟住仲要上山下海，就算個天氣幾好都好我哋都係照做嘅，所以建議大家除咗喺香港搵食之外，仲可以搵好多其他嘢玩嘅。」Andrea都話：「我覺得要支持返香港本地嘅嘢，都係香港製作㗎嘛﹗」阿倫就希望大家除咗去日本、韓國外，都可以發掘吓香港值得去玩嘅地方。

　在拍攝節目期間，咁啱撞正Andrea生日，阿倫就趁節目空檔捧上大蛋糕兼唱歌，為壽星女炮製驚喜，點知佢內功太「勁」搞到枝蠟燭未吹已熄，壽星女都忍唔住笑個不停：「我都未試過人哋幫我吹熄枝蠟燭，估唔到你嘅內功咁犀利。」講到生日願望，壽星女就希望《港式流行》長做長有。阿倫除咗該節目外，佢擔正嘅新一輯《一個人鐵道行》亦已推出，今次佢會帶大家遊西藏，仲繼續玩變裝。由於佢嘅節目好評不斷，未播完已計劃緊下一個旅程，佢仲為新旅程專程去學潛水添﹗◇